तुझ्या आभाळात मला असेल का रे थारा..?
जर असेल ना तर तसं आधीच सांग,
म्हणजे मी भर पावसात येईन
तुला भेटायला. . .
एखादी सावळी सर होऊन...
रिमझिमती... थरथरती....!
वेलीफुलांच्या सांदीतून
हिरव्याकंच स्पर्षाने छपरावर उतरेन
अन् अगदी तालात, घरंगळत येईन
तुझ्या खिडकीपाशी...
पण, मला तेंव्हा सावरायला तूच असशिल नं..?
असशील ना. . !
तर, मग एक काम कर. .
एकाच हाताने नको सावरूस. .
दोन्ही हातांची ओंजळ पसर वर आभाळाच्या दिशेने. .
तुझ्या उबदार हातात उतरेन मग मी हळूवार. . .
पापणीच्या काठावर खुळी स्वप्न उतरतात ना,
तशीच. . . .!
माझा थेंबनथेंब गोठवून घेईन मी
तुझ्या तळहातावरच्या तिरप्या रेषांवर. . .
ओलेत्या ओंजळीत विसावताना माझं मी-पण देखील आपसूक विरघळून जाईल ना रे त्यात. .?
विरघळलंच तर मिटून घे भरली ओंजळ
पापणीसारखीच. .
मी असेन त्यात सुखरूप... कुठेतरी. .!
तुझ्याशी एकरूप होण्यासाठी यापेक्षा दुसरा कोणता उपाय असेल तर तोही सांगून ठेव. .
पण आधी सांग,
.
.
तुझ्या आभाळात मला आहे का रे थारा..?
आहे का. . ?
जर असेल ना तर तसं आधीच सांग,
म्हणजे मी भर पावसात येईन
तुला भेटायला. . .
एखादी सावळी सर होऊन...
रिमझिमती... थरथरती....!
वेलीफुलांच्या सांदीतून
हिरव्याकंच स्पर्षाने छपरावर उतरेन
अन् अगदी तालात, घरंगळत येईन
तुझ्या खिडकीपाशी...
पण, मला तेंव्हा सावरायला तूच असशिल नं..?
असशील ना. . !
तर, मग एक काम कर. .
एकाच हाताने नको सावरूस. .
दोन्ही हातांची ओंजळ पसर वर आभाळाच्या दिशेने. .
तुझ्या उबदार हातात उतरेन मग मी हळूवार. . .
पापणीच्या काठावर खुळी स्वप्न उतरतात ना,
तशीच. . . .!
माझा थेंबनथेंब गोठवून घेईन मी
तुझ्या तळहातावरच्या तिरप्या रेषांवर. . .
ओलेत्या ओंजळीत विसावताना माझं मी-पण देखील आपसूक विरघळून जाईल ना रे त्यात. .?
विरघळलंच तर मिटून घे भरली ओंजळ
पापणीसारखीच. .
मी असेन त्यात सुखरूप... कुठेतरी. .!
तुझ्याशी एकरूप होण्यासाठी यापेक्षा दुसरा कोणता उपाय असेल तर तोही सांगून ठेव. .
पण आधी सांग,
.
.
तुझ्या आभाळात मला आहे का रे थारा..?
आहे का. . ?
-पूजा भडांगे, बेळगाव
KHUP CHAN G
ReplyDelete