ओळ . . .

एक एक ओळ

येते पानावर 

जशी पोर नख-यात 

चाले भराभर. . . 

शब्दांच्यामधून 

अर्थ ती लावत 

गाली हात लाउनिया 

बसे विचारात. . . 

सुचता काहीसे 

लेखणी ती घेते 

मनाआतले ती मन 

लिहून काढते . . . 

कधी गीत होते 

कथाही सांगते 

ललितामधुन जग 

नवेसे मांडते. . . 

तिच्या कवितेला  

प्रतिभेचा मोह 

कधी गूढ जाणिवांचा 

अर्थगम्य डोह. . . 

अशी पोर ओळ 

जाणती होताना 

देखणी लेखणी वाटे 

शाई झरताना. . . 

ओळ अशी मला 

वाटते सुचावी 

पानावरून ती थेट 

काळजा भिडावी. . . 

पूजा भडांगे बेळगाव